良品鋪子開箱

我係一個懶人，

出街買野食又懶，

諗食咩野又係一個世界級難題，

一個朋友之前介紹同直接俾左幾包良品黎試，

試過都OK 喎，個味都幾岩食，

細細包又方便，獨立包裝既價錢可接受，

不過之前返過去大陸既實體店，

諗住唔洗等唔洗煩郵費同點樣寄到香港既問題，

點知實體店既種類少到喊，

仲要貴過天貓，可能天貓成日有特價，

所以實體店都買唔到岩食，

其實我食既都係小食，乾果就算了😂

最後都係上天貓買，買左 $3XX 😱

都係因為想試下未試過的，見到海鮮就有啲與趣，

不過因為試過，所以我寫下呢篇文，

提醒自己邊啲良品係"伏" ，中伏的一次就夠了，

中伏之一

見圖都一般SIZE，以為一包一隻，

點知係一包幾隻蚊子咁細既龍蝦，仲要有殻，啲肉我手指尾指甲都大過佢😡😡😡😡😡

中伏之二

海鮮係要新鮮先好食，懶人係食唔到海鮮😭😭

只有蒜味，肉質輕散冇口感，我後悔叫海鮮，仲要係唔平😫

介紹完中伏之後，介紹返正常既'良品'

呢個牛筋真的唔錯，又野味，小食又得，加落懶人鍋又得，正😋😋

下次再訂一定叫多幾包，

呢個用黎睇波伴酒就十分岩食，

呢個加餸就岩食，爽口，

呢個當小食就比較油，加餸落懶人鍋就會好啲，

就係你，就係你，就係你啦，

實體店點解會冇，為左你，網上訂都要，

小食又得，加餸又得，細細包又過到口癮，

又一個翻食既野，簡單又方便，

又一野味又好食，小食同加餸都正，

睇波小食，一小包都有十幾廿條，

夠淋夠入味，肉真的下次都要再買，😋😋

小食，都係偏油，

鐵蛋都係方便同入味既，

以上就係第一次既良品，

失望在海鮮上，

驚喜在肉類上，

希望大家下次一齊分享。